Simon Gear, bekende weerman en nou ook skrywer van formaat, het ‘n eg Suid-Afrikaanse groen-handleiding gepubliseer. Die boek bevat 365 idees en praktiese wenke vir die hoe, waar en wanneer van groenwees. ‘n Wonderlike idee vir ‘n geskenk of pronkstuk vir die koffietafel!Hier is ‘n paar lusmakers uit die boek:
• “Rooster meer en braai minder… die enigste voordeel van kookolie is dat dit na gebruik in biodiesel omskep kan word.”
• “Besoek www.naamsa.co.za en leer meer oor jou motor se petrolverbruik… Onkunde is nie meer ‘n verskoning nie.”
• “Lê meer klem daarop dat jou kinders moet buite speel as om te bad… Moedig hul aan om tyd in die natuur deur te bring…”
• “Herrangskik die geute op jou dak sodat jy al die reënwater na een sentrale punt kan kanaliseer en só kan opvang.”
• “Belê in ‘n sonpaneel om water te verhit… Ongeveer 40% van jou elektrisiteits-rekening is te danke aan jou geyser.”
• “Koop eerder skootrekenaars vir jou besigheid … Skootrekenaars gebruik baie minder energie as gewone PC-rekenaars.”
• “Belê in ‘n motorfiets… ‘n Motorfiets kos heelwat goedkoper as die minimum taxi-tariewe.”
